醒到痺。
乜都搞掂哂點知爭我老豆個簽名…

放學撞返舊朋友
多麼懷念你舊時傻下傻下 如今隱重地同我講
「做保險。」
「無理由玩一世ge」

是咁的
舊時問佢你諗住將來點佢會「唔知啊唔知啊」
如今「唔知啊」的天真無邪一滴不剩
都教我幾傷心。


撞到細妹耶!!

第一堂裁培好成功啊
代禱時同浩宜一齊眼濕濕
我們都要努力要相信自己
謹記神會給予足夠的力量面對，
走得過就有綠洲。

近來……

興玩即興
越玩越開心,
決定玩一世。


尋日即興去Cherry度整野食
下次真真正正自己整餐比佢食啊
哈哈大鑊！究竟點解我會應承ga呢?
鬼上身定喇

夜晚即興搵雪雪
首先啦睇佢撻人，
撻左一輪咁就落堂!-_-
哇!撻人撻成堂，禮拜日仲要打比賽。
哈哈贏硬，星期日你就撻個對手撻到佢攤攤腰啦。

然後我地去M記坐
傾一大輪笑一大輪

佢帶我去打機
打一大輪太夜了，
搭去上水轉返太和
搭去上水個陣撞到中學同學
勁！咁都撞到。


返屋企
完美的一天咁就完左
。

決志後，

感到對任何事物的力量都大左比以前。


我知好多人都覺得Christian時常尷粗黎，
乜事都係神賜GE思典神比GE考驗。
曾幾何時我都咁諗
但而家心靈真係更富足
同埋我學識點去面對批評我GE人。

哇咁GE地步我仲唔死灑哂。

都灑左咁多野唔爭在灑埋我啦。
哈哈

放學急急走

去左睇家駒
上面有人無得傾計><

！

你今日負幾多人，
有報應GA！
要還GA！

一連串EQ大考驗

- 電話壞左。
- 風筒起緊急關頭壞埋。
- 錯手把電話記憶卡所有資料清光。


但真係嬲唔落。

1.部電話都算係陪我捱到最後一刻先壞。
2.某程度上風筒係因為我細路唔聽我話而整壞。開頭我用行動証明佢錯（拎起個風筒扮整＞扮發現無得救＞擲返個風筒去原位＞過幾秒＞再拎起個風筒扮整＞再扮發現無得救＞再擲返個風筒去原位）
過左一分鐘到，覺得自己好白痴，就唔再扮了。
3.除左有d介懷無左書展ok近距離與方大同接觸的相之外，其實都幾爽。


今日到元朗新星打邊爐補祝雯子生日好飽！
五人同行四人收費，每位盛惠一百六十二元正。
爽！


美女慫恿我賣左部電話買過部新，
佢壞到無得救，我都唔會掉。
同埋美女「炸形」我晚晚不回家 :p
要我乖乖地留起屋企做家務

Last Friend

• 對日劇反感左好多年…
  但身邊唔止一個人同話好睇，好！
  我而家就去睇！
  同埋因為我好鍾意上野樹里。

• 1/9返ive。其實7號先開學，但1號係O-day。
  detail都唔記得哂喇，不過係玩得幾開心。 我個group乜都無，只有一大半有heart玩的人，
  公佈賽果個陣其實睇得出成group都覺得無望，但有好想有奇蹟出現個樣， 會好開心。 其實我唔係堅持，只係覺得「就算機會唔大咁總做d野ga！唔通真係坐起度咩？」 我先衝上去搵。 到最後傾返個陣我比人讚發覺自己想喊先記起好耐無被人真心讚過